సౌదీ: కింగ్డ‌మ్ లోని ప్ర‌జ‌ల‌కు సొంత ఇళ్లు నిర్మించ‌ట‌మే ల‌క్ష్యంగా సౌదీ ప్ర‌భుత్వం భ‌విష్య‌త్ కార్య‌చ‌ర‌ణ సిద్ధం చేసుకుంది. రాబోయే ఐదేళ్ల‌లో సౌదీలోని ప‌లు ప్రాంతాల్లో 10 ల‌క్ష‌ల హౌజింగ్ యూనిట్ల‌ను నిర్మించ‌నున్న‌ట్లు ప్ర‌క‌టించింది. ప్ర‌ముఖ నిర్మాణ సంస్థ రోష్న్ స‌హ‌కారం ద్వారా ఈ ల‌క్ష్యాన్ని అందుకోనున్న‌ట్లు వివ‌రించింది. లాభార్జ‌న కోసం కాకుండా ప్ర‌జ‌ల‌కు అందుబాటు ధ‌ర‌ల్లో ఇళ్ల నిర్మాణం చేప‌ట్ట‌నున్న‌ట్లు, అందుకు రోష్న్ వెంచ‌ర్ కూడా త‌క్కువ మార్జిన్ మీద ఇళ్ల నిర్మాణానికి ముందుకు వ‌చ్చిన‌ట్లు సౌదీ ప్ర‌భుత్వం వెల్ల‌డించింది.