సోమాలియాలో చనిపోయిన సైనికుడికి బహ్రెయిన్ రాజు సంతాపం
- February 12, 2024![1 సోమాలియాలో చనిపోయిన సైనికుడికి బహ్రెయిన్ రాజు సంతాపం](https://www.maagulf.com/godata/articles/202402/BH_1707738761.jpg)
బహ్రెయిన్: సోమాలియాలో తీవ్రవాద దాడి తరువాత మరణించిన నలుగురిలో ఒకరైన బహ్రెయిన్ సైనికుడి కుటుంబానికి సాయుధ దళాల సుప్రీం కమాండర్ హిస్ మెజెస్టి కింగ్ హమద్ బిన్ ఇసా అల్ ఖలీఫా సంతాపం తెలిపారు. మేజర్ అబ్దుల్లా రషీద్ అల్ నోయిమి రాజధాని నగరం మొగదిషులో శిక్షణా కార్యక్రమాలను నిర్వహిస్తుండగా యూఏఈ సాయుధ దళాలకు చెందిన ముగ్గురు సైనికులతో కలిసి ప్రాణాలు కోల్పోయారు. అతని మృతదేహం ఇసా ఎయిర్ బేస్ వద్ద రాయల్ బహ్రెయిన్ ఎయిర్ ఫోర్స్ మిలిటరీ ఎయిర్క్రాఫ్ట్లో చేరుకుంది. అక్కడ రక్షణ వ్యవహారాల మంత్రి, హిజ్ ఎక్సలెన్సీ లెఫ్టినెంట్ జనరల్ అబ్దుల్లా బిన్ హసన్ అల్ నుయిమి సమక్షంలో సైనిక వేడుకను నిర్వహించారు. బహ్రెయిన్ డిఫెన్స్ ఫోర్స్ (BDF) కమాండర్-ఇన్-చీఫ్, ఫీల్డ్ మార్షల్ షేక్ ఖలీఫా బిన్ అహ్మద్ అల్ ఖలీఫా, హిస్ హైనెస్ లెఫ్టినెంట్ జనరల్ షేక్ నాసర్ బిన్ హమద్ అల్ ఖలీఫా, జాతీయ భద్రతా సలహాదారు మరియు రాయల్ గార్డ్ కమాండర్; మరియు రాయల్ గార్డ్ స్పెషల్ ఫోర్స్ కమాండర్ హిస్ హైనెస్ కల్నల్ షేక్ ఖలీద్ బిన్ హమద్ అల్ ఖలీఫా మృతదేహాన్ని స్వీకరించారు. హిస్ రాయల్ హైనెస్ ప్రిన్స్ సల్మాన్ బిన్ హమద్ అల్ ఖలీఫా, క్రౌన్ ప్రిన్స్, సాయుధ దళాల డిప్యూటీ సుప్రీం కమాండర్ మరియు ప్రధాన మంత్రి కూడా బాధిత కుటుంబానికి తన ప్రగాఢ సానుభూతిని తెలిపారు. మరణించిన సేవకుడి ఆత్మకు శాంతి చేకూరాలని, ఆయన కుటుంబ సభ్యులకు సహనం, మనోధైర్యాన్ని ప్రసాదించాలని హెచ్ఎం రాజు ప్రార్థించారు. దేశం కోసం చేసిన త్యాగాలు ఎప్పటికీ స్మరించుకుంటాయని, వీరమరణం పొందిన సైనికులందరికీ గర్వకారణమని అన్నారు. ఇదిలా ఉండగా.. శిక్షణా శిబిరంలో కాల్పులు జరిపిన ముష్కరుడు సోమాలి సైన్యానికి చెందిన వ్యక్తి అని సోమాలి సైనిక వర్గాలు తెలిపాయి.
తాజా వార్తలు
- హైదరాబాద్, విశాఖ నుంచి కొత్తగా మరిన్ని విమాన సర్వీసులు...!
- తిరిగి ఆనంద్ కు హైదరాబాద్ నగర పోలీసు కమిషనర్ గా బాధ్యతలు..!!
- వినాయక పూజలో పాల్గొన్న సీఎం చంద్రబాబు
- మూడు జోన్లుగా హైడ్రా !
- గదిలో, బాత్రూంలో స్పై కెమెరాలు ఉంటే ఎలా గుర్తించాలి?
- మరింత ఈజీగా ఫ్లైట్ టికెట్ బుకింగ్
- నేడు శ్రీసప్తముఖ మహా శక్తి గణపతి పూజలో సీఎం రేవంత్
- 5.40లక్షల మంది సందర్శకులను ఆకర్షించిన ఆర్ట్ గ్యాలరీలు..!
- ఒమానీల కోసం 32 కొత్త ప్రొఫెషన్స్ రిజర్వ్.. జాబితా ఔట్..!
- ట్రాఫిక్ ప్రమాదాలకు డ్రైవర్ల నిర్లక్ష్యమే కారణమా?